𝗨𝗴𝗮𝗻𝗱𝗮 :𝗨𝗺𝘂𝘁𝘂𝗿𝗮𝗴𝗲 𝘆𝗮𝗽𝗳𝗶𝗿𝗶𝘆𝗲 𝗺𝘂𝗯𝗶𝗸𝗼𝗿𝘄𝗮 𝗯𝘆𝗼 𝗸𝘄𝗮𝗺𝗮𝗺𝗮𝘇𝗮 𝗡𝗥𝗠

Igikuba cyacitse  mu Karere ka Rubanda nyuma y’uko umugore umwe yapfuye mu gihe cy’ibirori byo kwamamaza umukandida wa NRM muri Rubanda East.

Uwitabye Imana ni Peace Zikanga, utuye mu mudugudu wa Rwenkunguru, mu kagari ka Bubaare, mu murenge wa Kibuzigye. Amakuru aturuka mu bitabiriye igikorwa avuga ko Peace yagaragaje imbaraga nyinshi mu kubyina mu birori byabereye ku isoko rya Mubuhinga Trading Centre, ariko nyuma y’igihe gito yikubise hasi, agahita apfa.

Nyuma y’icyo gikorwa, umuryango we n’abaturage bahise batwara umurambo we mu rugo kugira ngo hatangire imyiteguro yo kumushyingura.

Nubwo ibi byababaje benshi, gahunda zo kwamamaza ntizihagaritswe, kuko abategura ibikorwa bakomeje n’ibirori byabereye mu mujyi wa Hamuhambo Town Council mu masaha ya nyuma ya sa sita

Umuyobozi wa Polisi mu Karere ka Rubanda, Abel Barugahare, yemeje ibyabaye avuga ko nta bikorwa by’ubugizi bwa nabi byabaye, ahubwo ari impanuka isanzwe.

Yasabye abaturage kwitwararika mu bikorwa bya politiki, by’umwihariko mu gihe habayeho ibikorwa bisaba imbaraga nyinshi, ati:
“Ndakangurira buri wese kujya yitabira ibikorwa byo kwamamaza yitondeye ubuzima bwe, cyane cyane ahabera ibirori bisaba imbaraga nyinshi nk’imbyino n’imyidagaduro.