Ntirizwi neza niba inama ya gatandatu y’ibiganiro kuri nucleair hagati ya Leta Zunze Ubumwe za Amerika na Irani izabera muri Oman ku cyumweru nk’uko byari biteganyijwe.
Irani ivuga ko ibiganiro kuri porogaramu yayo ya nucleair na Leta Zunze Ubumwe za Amerika nta gaciro bifite nyuma y’uko Israel igabye igitero kinini kurusha ibindi cyari cyigeze kigabwa kuri Irani, aho Tehran ishinja Washington, DC kuba yarakigizemo uruhare.
Uru ruhande rundi [Amerika] rwitwaye mu buryo butuma ibiganiro bibura agaciro. Nta bwo ushobora kuvuga ko ushaka kuganira, ariko mu gihe kimwe ugashyigikira ibikorwa byo gutera, wemera ko ubutegetsi bwa Israel bugaba ibitero ku butaka bwa Irani,” uko ni ko Esmaeil Baghaei, umuvugizi wa minisiteri y’ububanyi n’amahanga ya Irani, yabitangarije ibiro ntaramakuru bya Tasnim ku wa Gatandatu.
Leta Zunze Ubumwe za Amerika yahakanye ibyo Irani iyishinja byo kugira uruhare mu bitero bya Israel, kandi ibwira Tehran mu Nama y’Umuryango w’Abibumbye ishinzwe umutekano ku isi ko byaba ‘byiza’ kuganira ku bijyanye na porogaramu yayo ya nucleair.
Perezida wa Leta Zunze Ubumwe za Amerika, Donald Trump, yavuze ko ibitero bya Israel kuri Irani ari ‘byiza cyane’, nubwo mbere yari yaburiye Minisitiri w’Intebe wa Israel, Benjamin Netanyahu, kutagira icyo akora cyashyira mu kaga ibiganiro kuri porogaramu ya nucleair.
Ku wa Gatanu, Trump yavuze ko uru rugamba rukaze ruri hagati ya Israel na Irani rushobora kuba ‘amahirwe ya kabiri’ ku buyobozi bwa Irani bwo kwirinda kurimbuka kurushaho, ‘mbere y’uko byose bimara burundu, no gukiza icyari kizwi nka Iranian empire mu bihe byashize.
Inama ya gatandatu y’ibiganiro kuri nucleair hagati ya Leta Zunze Ubumwe za Amerika na Irani yari iteganyijwe kuba ku cyumweru muri Oman, ariko ntibyari byemewe neza niba izaba nyuma y’ibitero bya Israel.
Ntirizwi neza icyemezo tuzafata ku cyumweru,” uko byavuzwe na Baghaei mu kiganiro n’ikinyamakuru cya Irani, IRNA, kuri uyu wa Gatandatu.
Irani ihakana ko porogaramu yayo yo guteza imbere uranium igamije ikindi kitari iby’abasivile, yanze ibirego bya Israel bivuga ko ibanga irimo gukora intwaro za nucleaire. Netanyahu yasezeranyije gukomeza ibitero ‘iminsi yose bizatwara’ kugira ngo ahagarike Irani mu gukora ‘ikibazo cya nucleaire gishobora guteza akaga.
Trump yavuze ku rubuga rwe rwa Truth Social ko yari yaraburiye abayobozi ba Irani ko ‘ibi bizaba bibi cyane kurusha ibindi byose bazi, batekereje, cyangwa babwiwe, ko Leta Zunze Ubumwe za Amerika ikora ibikoresho bya gisirikare byiza kandi bishobora gusenya kurusha ibindi byose ku isi, kandi ko Israel ifite byinshi muri byo, ndetse hakazongerwaho byinshi kurushaho.
Yongeyeho kandi ko Israel izi kubikoresha.
Abayisirayeli bari bategereje ko haba imyigaragambyo cyangwa imvururu mu murwa mukuru wa Irani, igikorwa cyabaye ku baturage ba Irani. Gusa kugeza ubu ibyo ntibyabaye. Ntidutazi niba bizabaho mu gihe kizaza, ariko ubu uko ibintu bihagaze ni uko abantu benshi bafite umutima w’ubutwari no kwihangana. Simbona Abanya irani benshi bafite impuhwe cyangwa bumva kimwe n’Abayisirayeli.
